سرحد حرکاتی‌نین 25 ایللیگینه حصر اولونموش یوبیلئی تدبیری کئچیریلدی+ شکیللر
- توضیحات
- منتشر شده در یکشنبه, 07 دی 1393 08:52
آذوح:27 دئکابر 2014-جو ایل تاریخینده بوتؤو آذربایجان اوجاق‌لاری‌نین (باو) تشکیلاتچی‌لیغی ایله سرحد حرکاتی‌نین 25 ایللیگینه حصر اولونموش یوبیلئی تدبیری کئچیریلدی. بایرام تدبیرینده حرکاتین جان‌لی ایشتیراکچی‌لاری، ضیا‌لی‌لار، آزربایجانین گونئیین‌دن و آوروپا‌دان گلن قوناق‌لار ایشتیراک ائدیردی‌لر
تدبیر آزربایجانین دؤولت هیمنی ایله باشلادی. تدبیری گیریش سؤزو ایله آچان باو باشقانی ظاهر الیسوی تشریف بویوران‌لارین هر بیرینه تشککورونو بیلدیردی: “اؤنجه هر بیرینیزین بایرامینی تبریک ائدیرم. بوتؤو آذربایجان اوغروندا آپاریلان موباریزه‌ده هر بیرینیزه اوغورلار آرزولاییرام. بوگونکو تدبیریمیزده گونئی‌لی سویداش‌لاریمیز دا ایشتیراک ائدیر. ان بؤیوک آلقیش اونلارا دوشور”.
سونرا 1989-جو ایل سرحد حرکاتی حاقیندا باو گنج‌لری‌نین هازیرلادیغی موسیقی‌لی ویدئوچارخ نوماییش ائتدیریلدی.
آردینجا حرکاتین جان‌لی ایشتیراکچی‌لارینا سؤز وئریلدی. اونلار تدبیر ایشتیراکچی‌لاری ایله اؤز خاطره‌لرینی بؤلوشدولر.
چیخیش اوچون ایلک سؤز سرحد حرکاتی‌نین فال ایشتیراکچی‌سی اولموش نجفا‌لی جاهانگیرلییه وئریلدی: “حؤرمت‌لی خانیم‌لار و بی‌لر، بایرامینیز موبا‌رک اولسون. 1989 –جو ایلین دئکابر آیی تاریخیمیزه قیزیل حرف‌لرله دوشوب. او زامان بو حادثه‌لرین باش وئرمه‌سی‌نین سببی خالقین بیرلیگی ایدی. “سرحد حرکاتی” میللی آزادلیق حرکاتی‌نین ترکیب حیسه‌سی ایدی. بیلدیگیمیز کیمی 1828-جی ایلین فئورالین 10-دا تبریز یاخینلیغین‌داکی تورکمنچای کندینده روسیا ایله ایران آراسیندا آذربایجان خالقی‌نین ایکی یئره بؤلونمشسی ایله نتیجه‌لنن موقاویله ایمضالاندی. او زامان‌دان خالقیمیزین باشینا اولمازین موسینبت‌لر گلمه‌یه باشلادی. دده-بابا تورپاق‌لاریمیزا ائرمنی‌لرین کوتلوی شکیلدیه کؤچورولمه‌سی پلان‌لی اولا‌راق حیاتا کئچیریلدی. آذربایجان تورپاق‌لاری اوزرینده ائرمنیستان دؤولتی یارادیلدی. 1957-جی ایلده سووئت-ایران سرحدینه تیکان‌لی مفتیل‌لر چکیلدی. بون‌دان سونرا شیماللا جنوب آراسیندا بوتون علاقه‌لر کسیلدی. آیری‌لیق هسرتی اینسان‌لارین اوریینده درین یارا آچدی. بو عدالت‌سیزلییه سون قویماق لازیم ایدی. بئله بیر وضعیتده 1989-جو ایلده سرحد حرکاتی باشلادی. همین ایل دئکابرین 1-ده سرحد بویو اراضی‌لره‌ده چادیرلار قورولدو. مقصدیمیز تیکان‌لی مفتیل‌لری قیریب-آتماق، آیریلیغا و هسرته سون قویماق ایدی. سرحدین آچیلماسی‌نین اقتصادی اهمیتی ده بؤیوک ایدی. آذربایجان و سسری حکومتین‌دن سرحدی آچماغی طلب ائتدیک و بیر آی مدت قویدوق. دئمک اولار کی، همین دؤورده هر گون میتینق کئچیریلیردی. بوتون خالق ایشتیراک ائدیردی. نتیجه‌ده قالیب گلدیک. بیزه چوخ تضییق‌لر اولدو. اما موباریزه‌میزدن دؤنمدیک. دئکابرین 31-ی ساعت 12:00-دا بوتون سرحد بویو تیکان‌لی مفتیل‌لر سؤکولمه‌یه باشلادی. سونرا بئیلقان، جلیلاباددا دا سرحدلر سؤکولدو. بو تاریخیمیزه شان‌لی حرکات‌لاردان بیری کیمی دوشدو. آذربایجان پارلامئنتی‌نین 25 دئکابر 1991-جی ایل تاریخ‌لی قراری ایله دئکابرین 31-ی دونیا آذربایجان‌لی‌لاری‌نین همری‌لیک گونو کیمی بایرام اعلان ائدیلدی. سونرا‌لار بو ایستیقامتده آتیلان ان بؤیوک آددیم‌لاردان بیری رهمت‌لیک ائلچیبیین یاراتدیغی بوتؤو آذربایجان بیرلیگی اولدو. بیز بولشئویزم مئییل‌لرین‌دن اوزاق اولمالیییق. بوتؤولوگومز اوغروندا موباریزه بیرلیک‌دن کئچیر. خالقیما بیرلیک آرزولاییرام”.
آردینجا چیخیش اوچون سؤز “سرحد حرکاتی”نین فال ایشتیراکچیلاریندان اولموش آسف قولیئوه وئریلدی. او حرکاتین باشلاما سبب‌لرین‌دن دانیشدی: “بئرلین دیواری‌نین سؤکولمه‌سی اؤلکه‌میزده یئنی حرکاتین باشلاماسینا تکان وئردی. سرحدین سؤکولمه‌سی قراری میتینقده وئریلدی. اول‌دن رازیلاشدیریلمامیشدی. قراریمیزا رهمت‌لیک ائلچیبی ده راضی‌لیق وئرمیشدی. دئکابرین 30-دا آفیددین جلیلوو خبر گؤندرمیشدی کی، سرحدی عسگرلر سؤکه‌جک، سیز قاریشمایین. بیز اونلارلا رازیلاشمادیق. ایستک‌لریمیز هر شئیه اوستون گلیردی.. …ومیدینی آوروپا دیکمکله، میللته صاحب چیخماق اولماز. میللتی سئومک لازیم‌دیر. تأسف‌لر اولسون کی، ائلچیبیین یولونو چوخوموز داوام ائتدیره بیلمیریک. ائلچیبیده میللت سئوگی‌سی وار ایدی”.
داها سونرا سؤز قاراباغ قاضی‌سی واقیف الیسویا وئریلدی. واقیف بی او زامان جبراییلدا باش وئرن حادثه‌لری ایشتیراکچی‌لارین دقتینه چاتدیردی: “حرکات باش وئرن زامان معلومات‌لاری بوتون رایون اهلینه چاتدیردیم. فخر ائدیردیک کی، او زامان اؤلکه‌میزین اون مین‌لرله ضیا‌لی‌سی پروسئس‌لرین اؤنونده گئدیردی. بو گون خالق جبهه‌سی‌نین عضوو اولماسام دا، من یئنه ائلچیبی یولونون داوامچی‌سییام. بیر مدت پارتیانین جبراییل رت-نین صدری اولموشام. بونونلا قورور دویورام. بون‌دان سونرا دا دایم تورپاق‌لاریمیز اوغروندا موباریزه آپارماغا هازیرام. تانری بیزه اوغورلو ایللر بخش ائله‌سین”.
تدبیرده گونئی آذربایجان‌دان گلن شاعر هوشنگ جعفری چیخیش ائده‌رک، شئیر سؤیله‌دی.
آردینجا داها بیر گونئی‌لی سویداشیمیزا سؤز وئریلدی. بو اوزون مدت فارس زین‌دان‌لاریندا مهبس حیاتی یاشایان خاننده حسن دمیرچی ایدی. او، چیخیشیندا باکیدا اولدوغونا گؤره چوخ سئویندیگینی و بوتؤو آذربایجان اوغروندا آپاریلان موباریزه‌نین دایم اؤنونده اولاجاغینی بیلدیردی. داها سونرا او، تسنیف و موغام ایفا ائتدی.
داک-این دایمی عضوو، حرکات ایشتیراکچیلاریندان بیری اژدر تاغی‌زاده‌نین چیخیشی زالدا آلقیش‌لارلا قارشیلانیب. او ، چیخیشی‌نین سونونا قدر بوزقورد ایشاره‌سی توتدو: “منه دئییرلر کی، هر یئرده ائلچیبیین آدینی چکیرسن. حتی دئییرلر کی، حیدر الیئوی حاکمیته او گتیریب. خئیر بئله دئییل. او گون‌لرین هامی‌سی یادیمیزدا‌دیر. من دؤولتچی‌لیک تانیییرام. اقتدار-موخالیفت من‌لیک دئییل. رسول‌زاده و ائلچیبی‌دن بیزه بیر ارث قالیب. بو تورک داواسی‌دیر. ائرمنی‌لر تورپاق‌لاریمیزی ایشغال ائدیب‌لر. دئمک مغلوب اولموشوق. چوخ‌لاری بوتؤو اولماق اوغروندا آپاردیغیمیز موباریزه‌یه خور باخیر. داوامیز بوتؤولوک اوغروندا‌دیر. همریلیگیمیز گونئیین، قاراباغین آزادلیغیندا اولما‌لی‌دیر. تورک تورپاق‌لاری الدن گئتمک عذره‌دیر. تورکیینی کوردلر الیمیزدن آلماق عذره‌دیر. اما بونا باخمایا‌راق، بعضی اینسان‌لار اولو اؤندرلریمیزی لکه‌لمکله مشغول‌دورلار. بونا ایمکان وئرمملیگیک”.
تدبیرده چیخیش ائدن حرکات فاللاریندان رامیز تاغیئو و ب. سرحد حادثه‌لری‌نین بعضی‌لری‌نین ادعا ائتدیگی کیمی او واختکی حاکمیت اورقان‌لاری طرفین‌دن یوخ، خالقین اؤزو طرفین‌دن تشکیل اولوندوغونو و بونو ثبوت ائدن کیفایت قدر فاکت‌لارین و آرخیو ماتئریال‌لاری‌نین اولدوغونو بیلدیردی‌لر.
تدبیرده همچی‌نین آخپ صدری پناه حسین، باو مرکزی شوراسی‌نین عضو‌لری فایق الکبریوو، دیلاور ازیم‌لی، بختیار تونجای و ب. مؤوضو اطرافیندا چیخیش ائتدی‌لر. سوندا باو عضوو آشیق مهررم حسین‌لی سازلا آشیق ماهنی‌سی ایفا ائده‌رک تدبیره یئکون ووردو.
