Warning
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • Error loading component: com_content, Component not found.
  • Error loading library: joomla, Library not found.
  • Error loading library: joomla, Library not found.
  • Error loading library: joomla, Library not found.
  • Error loading component: com_content, Component not found.
  • Error loading component: com_content, Component not found.

باتی آذربایجان مسئله سی؛میللی دوروش سیناوی(ایمتحانی)- مهسا مئهدیلی

بوتون آذربایجان ... گونئی آذربایجان...باتی آذربایجان ...ایران تورک لری
بو قاوراملارین قارشیسیندا داشیدیغیمیز مسئولیت لر له ایدیعالاریمیز آراسینداکی باغ(ایرتیباط)هردن کلمه لر ایله اویناماق قدر کیچیک هردن دوروشوموزو سرگیله یه بیله جک قدر؛ بویوک و آغیر اولا بیلیر.هر کسین وطن آنلاییشی فرقلی اولا بیلیر؛ بوتون دونیا ...توران ...ایران ...گونئی آذربایجان ..ا  
حتی هر فعالین فعالیت آنلاییشی و یونتمی ده فرقلی اولا بیلر...
آما بعضن بوتون اینسانلیغا قارشی داشیدیغیمیز ایددیعالی مسئولیتلر و دیکدیگیمیز بایراقلارین آرخاسیندا؛ آغرییان یارامیز گیزله نیر...بلکه ده اینسان حاقلاری ؛دونیالیق اولماق؛تورک دونیاسی؛...بوتون گوزل لیک لری و دیرلی اولدوقلاریجا ؛ آغری کسیجی  اولاراق قوللانیلیر و" یارالی باتی آذربایجانین" آغریسی ایچه دوغرو ایرینله ییر ...سسینی چیخارتمیریق اونودوروق آجیسینی  ...یارانی یوخ ائده بیلمیریک...یوخ ائتمه گینه چالیشمیریق ...بوراخیریق ؛ ایرین له سه ده؛ ایرینله سین؛ یئتر کی ایندیلیک وار اولان یارانین  آغری سینی حیس ائتمه یک
هردن دونیادا تورک اولان هر یئره وطنیمیز دئییریک ... هردن اینسان حاقلاری... دئموکراسی چی؛  آیدین پرستیژی؛.. بو سس کوو؛ او قدر یوکسه لیر کی ؛ تاریخی توپراقلاریمیزدا؛ گونئی آذربایجانین ان یارالی بولگه سینده ایرین له ین او یارا گوزوموزه گلمیربئله ... بیز دونیالیق ؛ مدرن؛ اینسان حاقلارینین  سایقیلی بایراقدارلاری اولوروق؛ آما توپراقلاریمیزدا بسله نن ترورو گورمک ایسته میریک ...کیچیک قالیر بیزه بونلار ... 
گونئی آذربایجان میللی حرکاتی دیکتاتورلوغا و عئینی حالدا شوونیست بیر رژیمه قارشی ؛ایلکل انسان حاقلارینا؛  ساغ دویو و مدنی موباریزه یه دایالی؛ اجتماعی لشمک ده دیر.عئینی حالدا بوتون بو اینسانی و اوزگورلوکچو حاقلار اوچون اجتماعی بیر دابان(بستر)اولوشماسی دا شرط دیر..
تبعیض چی و گئنل ده استعمارچی رژیم لر استعمار ائتدیک لری خالقلارین؛ اوزلرینی ایداره ائده بیلمه و اوز مقدراتینا حاکیم اولا بیلمه ایستگ و گووه نی نی؛ یوخ ائتمگه چالیشارلار .ایران رژیمی ده  اوز  تبعیض چی  و داها دوغروسو استعمارچی سیاستینده؛  گونئی آذربایجان خالقینین؛  اوز مادی معنوی وارلیغینا حاکیم اولا بیلمه اوزگووه نی نی  ؛اریتمه گه چالیشیب و میللی حرکتین آنا آخیشی  بو اوزگووه ن و حاق قازانماق ایسته گینه دابان حاضیرلاماق یونونده حرکت ائدیر.
مسئله یه سیاسی آچیدان یاناشساق هر سیاسی آخینین ایده آلی گوج الده ائتمک دیر. مشروع لاشدیریلمیش زور و زوربالیغا قارشی جانلانان هر حرکتین آماجی موثر گوج الده ائده بیلمک دیر. اقتصادی و سیاسی اجتماعی جهت دن؛  استعمارا اوغرایان ملت لرین قورتولوشو  اوچون" میللی  حاکمیت لرینین اولماسی"  شرط دیر ومیللی حاکیمیت ده ؛ده "توپراق مسئله سی "واز گئچیلمز دیر.
ایران سیاسی جغرافیاسیندا ؛گونئی آذربایجانین مادی و معنوی وارلیغینین یوخ ائدیلمه سینی انگل له مک ؛گونئی آذربایجان لی لارین اوز توپراقلاریندا مقدراتینی بلیرله مه حاققینی الده ائده بیلمه سی   گونئی آذربایجان میللی حرکتینین روحو و وار اولوش ندنی دیر .البته کی میللی حرکت ؛ ایران دا گونئی آذربایجان جغرافیاسینین ائشیگینده ن اولان  تورکلرین ازیلمیش حاقلارینی تمثیل ائده بیله جک ظرفیتی واردیر و عئینی حالدا مرکزی حاکمیت طرفیندن تبعیضه معروض قالان بوتون غئیر فارس میللت لر له مشترک مسئله لری ده بللی دیر.آیریجا گونئی آذربایجان دا یاشایان تورک اولمایان آزینلیق لارین حاقلارینی دا؛ تمثیل ائده بیله جک قدر؛ ساغ دویولو و اینسان حاقلارینا سایقی ایلا یاناشابیلن بیر یاپی دا دیر.
میللی حرکت میللی تاریخی توپراق لاریمیزدا میللی حاکمیت حاققیندان واز گئچه بیلمز  و میللی حاکمیت قورماق اوچون موجادیله ائدن بیرسیاسی  جریان اولاراق توپراق مسئله سی ده میللی حرکت اوچون واز گئچیلمزدیر.
     
کوردچو اورگوت لر طرفیندن ؛گونئی آذربایجان توپراقلاری اوستونده ؛ اورقانیزه شکیلده یئریدیلن توپراق ایددیعالاری
راسیست و استعمارچی مرکزی حاکمیتین زوربالیغی  قدر اونملی و حتی داها  تهلیکه لی دیر.
باتی آذربایجان دا یئرلشن و گئت گئده چوخالان آزینلیق لارین وارلیغی بیر گرچک دیر. بولگه ده ترور اسدیرن قروپلار بو نفوسون چوخالماسینا دایاناراق ؛  باتی آذربایجانین آدینی دییشدیرمه ؛ توپراق ایددیعالاری و بو بولگه نین ماددی معنوی دیرلرینه مسلط اولماق یونونده حرکت ائدیرلر..
دونیادا رسمی تروریست لیسته لرینده قئیده گئچمیش  (پ ک ک ) و (پژاک ) کیمی ترور قروپلارینین عملیات بولگه لرینین بویوک بیر بولومو ده باتی آذربایجان توپراقلاری دیر. بو اوزلرینین آچیق آچیق اعلان ائتدیگی و اعلانیندان داچکینمدیکلری بیر گرچک دیر..
حاق و اوزگورلوک اوچون دئولته قارشی سیلاحلی ساواش؛  بیر حاق دا اولا بیلر آما  کوردلرین حاقلارینی آلماق اوچون دئولته قارشی ساواشماق ایدیعاسیندا اولان بو ترور قروپ لارینین هدفی نین  بویوک بیر پارچاسی دا سیلاح سیز دیفاع سیز باتی آذربایجان  دا کوردوستان قورماق  دیر..
بئله لیک له ؛باتی آذربایجان دا ترور و وحشت اسدیررک آیریجا نفوس چوخالتما سیاستیندن ایستیفاده ائدرک تورک لرین اوز یوردوندا امنیت سیزلیک و کوردلره قارشی بیر نفرته سبب اولورلار . آنا دیل حاققی و دموکراتیک حاقلار اوستوندن ایشغالچیلیق و توپراق ایددیعالاری و سیلاح و ترورا دایاناراق زوربالیق ائتمگه بیرده تر تمیز اینسان حاقلاری قیلیفی گئیدیرمک ده بیر قانلی ساواشین خبرچی سی دیر.
بیز بیر دئولت یا قودرت ده اولان بیر حاکمیت دییلیک کی آزین لیق لارین یا هر قوروپون حاققینی قورویوب یا الیندن آلاق.
گونئی آذربایجان دا یئرلشن آزینلیقلارین حاقلارینین موخاطبی گونئی آذربایجان خالقی دییل؛ آیریجا گونئی آذربایجان تاریخی توپراقلارین دا کوردوستان حوکومتی قورماق پروژه سی نه دایانماق  آچیق آچیق ایشغالچیلیق و تجاووزدور.
آزینلیق لارین حاقلارینین سوروملوسو ایرانین مرکزی حاکمیتی دیر ؛بیز گونئی آذربایجان تورکلری ایشغالچیلیغین و ترور و وحشته دایالی توپراق ایددیعالارینین هدفی ییک. توپراقلاریمیزدا یاشایان هر آزینلیغا سایقیمیز وار آما توپراق ایددیعاسی بیر هجوم و حمله دیر.بو پروژه نین هدفی  باتی آذربایجان اوستونده کوردوستان قورماق و خیالی کوردوستانین بو پارچاسینی تاماملاماقدیر. آیریجا ایران دا کوردلرین حاقلارینین مرکزیتی سنندج و کرمانشاه دیر اورمو دییل دیر.نه یازیق کی ترور چو ایشغالچی قوروپلار؛
 بو گونکو دئموکراتیک اورتام لاردان سوء ایستیفاده ائدرک  اینسان حاقلاری قوروم و قورولوشلاری آدی آلتیندا باتی آذربایجانی کوردوستان اولاراق گوستمه گه ایصرار ائتمک ده دیر لر؛ بئله کی گورونور باتی آذربایجان دا یوز ایله یاخین دیر باشلانمیش اولان سیلاح و تئرور گوجو ایله توپراق باسما وحشیتینین و خالقیمیزی اوز ائوینده قتل عام ائدن لرین اوزانتیسی بو گون ؛ دئموکراتیک قیلیفلارا بورونه رک ؛سند دوزلتمه ک بیلگی کیرلی لیگی یاراتماق  و گرچک لری ترسه گورستمه گه نیت لی دیر.
بوتون آزینلیق و چوخونلوقلارین اینسانی حاقلاری اوغروندا ساواشماغینا  سایقی دویولمالیدیر آیریجا میللی حرکتین ماهیتی  مدنی و بوتون خالقلارین حاقلارینا سایقیلی دیر.  آما هر هانچی بیر دئولته قارشی ایستک لری اوچون ساواشان هئچ بیر قروپ هر آد آلتیندا اولورسا اولسون آذربایجانین مظلوم خالقینین توپراقلاریندا ترور و وحشت اسدیررک بو خالقین روانی و فیزیکی امنیتینی هده له یه بیلمز
؛هر هانچی اورگوت و قوروپ هر هانچی قیلیف لا ؛ گونئی آذربایجان خالقینین امنیتین تهدید ائدرسه یا بو تهدیده یئر حاضیرلارسا  ؛  میللی حرکتی قارشیسینا آلیبدیر.و قیرمیزی چیزگی دئدیگیمیز بودور .دئولت طرفیندن اجباری عسگرلیک خیدمتینه گوندریلن و داغداکی تئروریست گولله سی ایله اولدورولن   اوغول لار بو خالقین مظلوم  بالالاری دیر. کتدلرده داغیلان سیلاحلی گوجلرین قورخوسوندان کندینی بوراخیب کوچن گونئی آذربایجان تورکونون حاققینی قوروماق  بو میللی حرکتین مسئله سی دیر . باریش و امنیته اینانان اینسان حاقلاری ساوونوجولارینین دا بسله نن ترورا قارشی دویار لیلیق لاری  واجیب دیر.
باتی آذربایجان مسئله سی فقط "باتی آذربایجان مسئله سی دییل" گونئی آذربایجانین ؛بوتون تورک لرین و عئینی حالدا زوربا حاکمیت ایله؛ زوربا ایشغالچی تئرور اورگوت لری آراسیندا تک قالان گوناه سیز دیفاع سیز  گونئی آذربایجان خالقینین مسئله سی دیر...
باتی آذربایجان مسئله سی اینسان حاقلاری مسئله سی دیر؛ دونیادا قئیده گئچمیش مسلح  بیر ترور و اویوشدوروجو اورگوتونون اعلان ائتدیگی هدفی بیزیم سیلاحسیز خالقیمیزی یوردوندان جانیندان ؛ائتمک دیر
باتی آذربایجان مسئله سی بیر مئدیا نین؛ بیر میللی مدنی فعالین؛ بیر اورگوت یا تشکیلاتین مسئله سی دییل ؛بوتون میللی حرکتین مسئله سی دیر
باتی آذربایجان فقط "اورمو سولدوز خوی  ماکی سالماس تیکان تپه ..."دییل باتی آذربایجان اردبیل دیر؛ زنجان دیر ؛تبریز دیر؛ میللی وطن دیر .
باتی آذربایجان مسئله سی میللی موجادیله ده؛ میللی دوروش سیناوی دیر...
2014/2/18
آنکارا
مهسا مئهدیلی
 
 
Submit to DeliciousSubmit to DiggSubmit to FacebookSubmit to Google PlusSubmit to TwitterSubmit to LinkedIn