بوتون آنالارا سایقيً و حوُرمت!- ائلدار گونئیلی
- توضیحات
- منتشر شده در دوشنبه, 12 آبان 1393 04:31
بو گون آناميًن دونیاسيًنيً دییشمه موناسبتینه گوُره قوربتده اوره ییمی
بوشادماغا، قله میمدن باشقا بیر چاره بولماديًم. ۵ آبان ۱۳۹۳
۱
آنا نه دئییم، دویدوغوم قارا خبری،
بو گون آئیله مله نئجه قبول ائدیم؟
تئلئفوُن باغلانتيًلاريَ کسیلدی می؟
آخشاملار سه سین دویمویاجاغيًزميً؟
۸۳- ایل زحمتلرین مئیوه سینی دردینمی؟
۲
سن بوُیوک اوُولاد دوغموش آناسان
بالتاجيً آراز کیمی شاعیرلر آناسيًسان
وطنه بوُیوتموش ایگیتلر آناسيًسان
خالقيًنا بوُرجونو وئرمیش آناسيًسان
اوره ییمیزده، چيًرپيًنان آلوُولار مکانيًسان.
۳
سن بیزی دوُغدون زحمتلرین ایله
بوُیوتدون بیزی سئوگی، محبتله
مئیوه لریدن گوُرمدین ایسته کله
اوره ک سئوگیلرینی، وئردین بیزلره
بیزده وئره ک خالقيًميًز ایله وطنه.
۴
محمدین[1] الده ن وئردین اللی سگگیزده[2]
نیسگیل لری ایله یاشاديًن سوُن نفسین ایله
قبرینی گوُرمه دین، سوُیله دین بیزلره
قبرینی گوُرسم، قالماز نفس منده
اوُلمه ییب، یاشایيًر اوُ، خالقيًميًزيًن ایچینده.
۵
دئییب لر بو دونیا پنجره ایدی
۲۸- ایل پنجره سنه قارانديًق لانديً
حسرتده قالديً مئیوه لرین دن گوُرمه یه
آرزولاديًن گوُره سن بیزلری وطنده
وطنه گلمه یه دوشونوروک حسرتله.
۶
وطن سئوگیسی ایله یاشایيًريًق قوربتده
وطن یئتیردی سن کیمی آنالار بطنینده
سئوگیلرین وئردین اوُلاديًنا قالماديَ یئرده
اوُلمه میسن، یاشایيًرسان، اوره ییمیزده
منده گوُرمدیم، دوشمه میسن، نفسده ن
سنده اولان آتش دوُیونور اوره ییمیزده .
۷
بوُیلجه قاتيًليًرام منده کده رینیزه
باشيًز ساغ اوُلسون دئییرم آئیله میزه
یاشام بوُیله گلیب گئده ر، عوُموروموزده
حرُمت قوُیون یاشاميًنيًزدا، والیدئینیززه
سئوگی گوُررسینیز، گله جک نسلینیزده.
بوتون آنالارا سایقيً و حوُرمت!
۵آبان۱۳۹۳
[1]شاعیر بالتاجيً آراز(محمد محمد علی اوُغلی)
[2] شاعیر اللی سگگیز یاشيًندا اوره ک اینفاکتيً گئچیره رک دونیاسيًن دییشدی.
