Warning
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • Error loading component: com_content, Component not found.
  • Error loading library: joomla, Library not found.
  • Error loading library: joomla, Library not found.
  • Error loading library: joomla, Library not found.
  • Error loading component: com_content, Component not found.
  • Error loading component: com_content, Component not found.

مشروطۀ اینقلابی اوُمت لیک ، رعیت لیکدن میللت لئشمۀ یۀ گئدن یوُللار- آلتی ینجی بوُلوموم- آذرخش

علی مسیومشروطۀ اینقلابی نین معماری ، خیابانی آزادیستان دوُولتی نین رهبری .
بوُیوک موجادیلۀ نتیجۀ سیندۀ ، مشروطۀ آنا یاساسیندا قبول اوُلونموش ، ایالت ، ویلایت انجمنلری یارانماسینین رسمییتی ؤهمان لایحۀ اساسیندا انجمن لرین قوُرولوب ایشۀ باشلاماسینا تلاشلارین باشلادیغی بیرواخت دا ، لاکین  مرتجع لر ، فئوداللار و فارس ایرقچیلاری اوُنا شیددت لۀ قارشی دوُرماقا باشلییرلار.
لاکین خیابانی ؤهمفیکیرلری ایرادۀ ؤ جیددیت لۀ انجمن لرین یارانماسی یوُلوندا تلاش ائدیر، همان دموکرات اینسانلارین تدبیر ؤ تلاشلاری سایۀ سیندۀ تبریز باشدا اوُلماقلا آذربایجانین بوُیوک ، کیچیک شئهرلریندۀ مختلیف صینیف لرین وسیلۀ سی ایلۀ أنجمن لر قوُرولوب ایشۀ باشلییر لار،هئرمحلۀ نین انجمن لری طلب لرینۀ دائیرداواملی جلسۀ لرکئچیریب ، اهالینین ایستک لرین مطرح ائدیب ، اوُنون گذاریشین مرکزانجمنۀ گوُندریرلر.
طبیعی اوُلاراق ایالت دۀ مرکز انجمن نین قانونی ایستاتوسو میللی مجلیس سویۀ سیندۀ اوُلدوقونا گوُرۀ اهالی نین ایستک لری اساسیندا پروگراملار حاضیرلییب ، آردینجا سرعت لۀ ایصلاحات لارا باشلییرلارؤهئر گوُن خالقین ریفاهین تأمین اتمئگ اوُچون اوُنئملی عملی ایشلرۀ أل آتیرلار، بئلۀ لیکلۀ دۀ أنجمن میللت آراسیندا بوُیوک حوُرمت قازانیر، آذربایجاندا بیر نئچۀ آی موُدتیندۀ اینکیشاف اتمئکدۀ اوُلان عملی ایصلاحات مرتجع لری، فئودالالاری ، فارس شوینیست لرین غضب لئندیرمئکلۀ  یئنی توُطئۀ لر قورماقا باشلییرلار.
( بیزسوُنراکی تاریخدۀ ایرتیجانین ؤ فارس  شوینیسمی نین آذربایجان میللتینۀ قارشی دوشمانجاسینا قیسغانجلیغین  1324 ینجی ایل دۀ میللی حاکیمییت دوُوروندۀ تیکراراً شاهید اوُلوروق ! )
تبریز انجمنی محمد علی شاهی مشروطۀ آنایاساسینا ؤ میللتۀ خئیانت ایتهامی ایلۀ گوُناه لاندیریب ، اوُنون سلطنت دن خلع اوُلماسین طلب ائدیرلر ، بو ایستک بوُتون میللت لۀ بیرلیکدۀ ، حتی نجف دۀ اوُلان موجتهیدلرین دۀ راضی لیقی ایلۀ قارشیلانیر. محمدعلی شاه ؤ اوُنون قوُیروقلاری چارۀ سیز قالیب ارباب لاری اوُلان اینگیلیس لرۀ سیغینیرلار، آنجاق شاهین قوُیروقلاری اوُلان شریعتچی مرتجع لر، فئوداللار بیرلئشئرئک انگیلیس سیفارتینین گوُستریشی ؤ یاردیمی ایلۀ ، روسییۀ دۀ اوُکتیابیر اینقلابی نتیجۀ سیندۀ حاکیمییت لرین ألدن وئرمیش روس قاچغین قازاخ لارینین یاردیمی ایلۀ ، آذربایجان مشروطۀ چیلری ؤ خیابانییۀ قارشی هئرگوُن یئنی یئنی دوُزاخلار قوُرماقا باشلییب ، مخبر السلطنۀ نین حیلۀ کارلیقی ایلۀ محمدعلی شاهی بیرداها تخت تاجدا ساخلییرلار.     
سوُزسوز کی مرکزغیبی مشروطۀ اینقلابینین اینکیشاف تاپیب تشکیلات لانماسیندا بوُیوک ؤ اوُنئملی روُلو اوُلموشدور، لاکین تأسوف لۀ علی مسیو چوُخ تئز بیر زاماندا بیرلئشمیش دوُشمانلارین خائنانۀ دوُزاغی نتیجۀ سیندۀ  روسلارطرفیندن عمداً زئهرلئنیب ، اوُلدوُرولور . اوُغلانلاری حسن ؤ غدیردۀ باشقا مجاهیدلرلۀ بیرلیکدۀ روسلارین وسیلۀ سی ایلۀ دارا چئکیلیرلر.     
علی مسیوبیر باجاریقلی تشکیلاتچی اوُلماقلا ، اوُنون یاراددیقی ( گیزلی اینقلابی کمیتۀ ) یا مرکز غیبی نین تلاشلاری نتیجۀ سیندۀ بیرینجی دفعۀ اوُلاراق ( آذربایجان دموکرات فرقۀ سی)  یارانیر ؤ سوُنرا لار، 17 فروردین 1299 ینجی ایلدۀ فرقۀ نین صدری اوُلان خیابانی آزادیستان دوُولتی قورولور.                                              
خیابانی قوُروب یاراددیقی آزادیستان دوُولتیندۀ آزاد محیطین یارانماسی ایلۀ بیرچوُخ گاذت لردۀ آردی آردینا نشراوُلماقا باشلییر ؤبوگاذت لرین توُپلومون اوُیانیشیندا بوُیوک روُللاری اوُلور . اوُجوملۀ دن : قوُزئیدن ؤ یا عثمانلی دان گئلن گاذت لردن باشقا ، تبریزدۀ أنجمن گاذتی ـ محمود غنی زادۀ ــ حشرات الارض ـ میرزۀ آقا بلوری ــ نالۀ میللت ـ نظمییۀ ـ محمود ایسکندانی ــ شورای ایران ـ سیدحسن شریف زادۀ ـ سعید سلماسی ـ حاجی علی داوا فروش ـ اتحاد محمدعلی تربییت ـ بئلدییۀ ــ احمد میرزۀ ــ آزادیستان ژورنالی ـ تقی رفعت ؤ باشقا گاذت لرکی یوُکسئک تیراژدا نشر اوُلونوردو ، خالقین رغبتی ؤ ایستیقبالی ایلۀ قارشیلانیردیلار.
لاکین بوتون بونلارا باخمییاراق ، حتی نشر اوُلونموش گاذت لردۀ یئنۀ آذربایجان توُرکجۀ سی فارس دیلینین کوُلگۀ سیندۀ قالیر!
شیخ محمد خیابانی نین باشچیلیغی ایلۀ قوُرولان فرقۀ نین ایلک اعضاسی عیبارت اوُلورلار:
شیخ محمد خیابانی ــ سید حسن تقی زادۀ ــ محمد ریضا مساوات ــ حئیدرخان عمواوغلو ــ محمد امین رسول زادۀ ــ ابوالضیاء ــ محمد علی تربیت ــ سلیمان میرزۀ ایسکندری ــ میرزۀ ایسماعیل نوبری ــ میرزۀ محمودخان ( محمود ـ محمود)
یئری گئلمیشکن قئید اتمئک لازیم دیرکی ، تزارایمپریاسی داغیلدیقدان سوُنرا ،  بوُلشویک لیگۀ قارشی اوُلان ؤ ممالیک محروسۀ یۀ قاچقین دوُشموش روس قازاخلاری پراکندۀ حالدا قالمیشدیرلار،  اینگلیس لرین تانینمیش جاسوسو اوُلان ( توماس ادوار لوُرنس " لوُرنس عربستان"  بو فرصت دن ایستیفادۀ ائدیب ، خیریستیان کلیسۀ لری ؤ کئشیشلرین یاردیمی ایلۀ ارمنی و آسوریلری بیرلئشدیریب ، سیلاح لاندیریب ، روس قازاخلارینین حمایۀ سی ؤ ایشتیراکی ایلۀ اوُرمو ؤ اطرافیندا اوُلان کئندلرۀ قصبۀ لرۀهجوم ائدیب ، مینلرجۀ گوُناهسیز اهالینی آرواد ، کیشی ، اوُشاغلاری ایلۀ بیرلیکدۀ قتل عام ائدرکن ، اوُنلارین ائولرینۀ اوُد وُوروب یاندیریرلار. آذربایجان توُرک لرینۀ قارشی بوسوُی قیریمی پلانلاشدیریب ، باشلییانلار لوُرنسین ایشتراکی ایلۀ روُس قازاخلاری ، ارمنی ، آسوری جینایتکارلاری  رهبرلیگ اتمیشلر.
             آذربایجان میللتی قان وئردی ، ایرتیجاع ، شوینیسم قودرتۀ چاتدی !
مشروطۀ اینقلابینا قان وئرن مینلرجۀ جانلار فدا ائدن آذربایجان توُرکلری هانسی آماللارینا أل تاپا بیلدیلر؟ مشروطۀ نین تحفۀ سی اوُلاراق ، هانسی آزادلیقی آسایشی ألۀ گئتیرۀ بیلدیلر؟ آذربایجان توُرکلری نین میللی ، مدنی ، فرهنگی ؤ أن اوُنئملی سی اوُلان فارس دیلینین یئرینۀ ، آذربایجان مدرسۀ لریندۀ تورک دیلیندۀ درس وئریلمۀ سی ایجراء اوُلونما دی ! ؟ .
آذربایجان مجاهیدلرینین فداکارلیقلاری نتیجه سیندۀ مشروطۀ فرمانی ایمضالانیر. آنجاق آنا یاسادا قبول اوُلونوب ایمضالانمیش ایالتی ـ ویلایتی أ نجمنلرین قورولماسینا فارس ایرقچیلاری ، موُللا لارلا بیرلیکدۀ عملی شئکیلدۀ قارشی چیخیرلار ، اؤنلارحتی بو کلمۀ نین مطرح اوُلماسیندان بئلۀ غضب لئنیردیلر، چئشیدلی بهانۀ لرلۀ ، جوُربۀ جوُر شرعی ؤ غیر شرعی مانع توُرۀ دیردیلر !
آیالت ویلایت انجمنلرینین ایجراء اوُلونماسی آذربایجان کیللتی اوُچون أن اوُنئملی هدف لردن ایدی ؤ اوُنون حئیاتا کئچیریلمۀ سی ایرتیجانین ، شوینیسمین باسغی ؤ قوُدرتی نین سارسیلماسی دئمئگ ایدی ، بونا گورۀ دۀ هئچ زامان ایجراء اوُلونمادی ! بوناگوُرۀ دۀ یوُز ایلدن آرتیق دوُشونمئک لازیم دیرکی : بئس مشروطۀ اینقلابیندا آذربایجان میللتی نین هانسی دوُغال حاق ، حقوق ؤ استئکلرینۀ ؤ هدف لرینۀ نائیل اوُلا بیلمیشدیر ؟  جاواب هئچ !  
اوُ اینقلاب آذربایجان میللتی نین قانلاری باهاسینا باشلانیب ، بوُیوک قیرقینلار ؤ اعداملارلا سوُنا چاتدی ، لاکین اوُ عظمتلی غلبۀ نین ثمرۀ سی کیملرین ؛ هانسی طبقۀ نین خئیرینۀ اوُلدو؟   
آذربایجاندا اوُلان مدرسۀ لردۀ نییۀ فارس دیلینین یئرینۀ ، توُرک دیلیندۀ مدرسۀ لر قورولمادی ؟  بیرحالدا کی قاجار دوُولتی توُرک اوُلماقلا ، توُرک دیلی ؤ ادبیاتی رسمی دوُولت دیلی کیمی اوُشاغلارا درس وئریلمیردی ! دئمئک میللتیمیز یئترلی قئدراوُز میللی کیملیگین ، آنا دیلی نین بوُیوک روُلونا واقیف اوُلمامیشدی ! ( آغاجی قوُرد اوُز ایچیندن یئیئر) میثالی بوردا اوُزیئرین تاپیر.
تکجۀ قان وئرمئک ، شهید وئرمئک ، ممالیک محروسۀ ایرانین بایراقین اوُپوب ، اوُنواوُجالتماق نئسیلدن نئسیلۀ بیزیم پاییمیزا دوُشدو !؟
عصرلر بوُیو بئینیمیزۀ آشیلانمیش " هامیمی میزاوُمّت موسلمانیق" شعارینین قارشی سیندا سکوت ائدیب ، شئیطان نییت لی لرین آلدادیجی تبلیغاتی شیوُۀ لرینۀ ، عمللرینۀ آلدانیب ، اینانیب ، کیم اوُزلدوقوُموزو ، میللی شعور ؤمیللی کیملیگیمیزۀ توُرکلوگوموزۀ اوُلونان اهانت لرۀ اعتیناسیز لیقلا یاناشیب ، هئلۀ دۀ اوُزدن ایراق بعضی لریمیز اوُزوموزو "ایرانلی" بیلیب ، تمامییت ارضی دن مدافعۀ ائدرکن ، یوُزایللیکلرین یوُخو سوندان اوُیانماق ایستۀ میریک ! ؟
بوگوُن آذربایجانلی قلم صاحیب لرینین اوُرۀ گ آغریسی ایلۀ یازدیقلاری دئییرلی یازیلارینا حوُرمت لۀ یاناشاراق ،  مشروطۀ اینقیلابی ، خیابانی قیامی  پیشۀ وری ایدۀ یالاری ، خلق موسلمان حئرکاتی ، بوُتولوکلۀ فارس راسیسمینین  قانلی هجوملاری ایلۀ مغلوبلییتۀ اوُغراسادا ، لاکین میللتیمیزین میللی مجادیلۀ تاریخیندۀ (یئنی دن دوُغوش) پروسئسی نین دیرچئلیشینۀ یوُل آچمیشدیر بوتجروُبۀ بیرچوُخ میللت لرین دۀ  طلعیندۀ باش وئرمیشدی.
بونا گورۀ دۀ میللتیمز هئر زامان آزادلیق یوُلوندا جانلارین فدا اتمیش بوُیوک رهبرلریمیزین ابدی خاطیرۀ لرین حوُمت لۀ یاد اتمئگیمیز لازیم دیر .  بویازیدا بعضی مسئلۀ لرۀ فرقلی پئنجرۀ دن یاناشیب ، یئری گئلدیکدۀ اینتیقادی باخیشلا یازیلسادا ، لاکین هدف میللتی میزین گئلۀجئک منافعین نظردۀ آلماق دان باشقا بیر شئی دئگیلدی .
آلتی اینجی بوُلومون سوُنو . آذرخش ـ 7 / 11 / 2014
       
Submit to DeliciousSubmit to DiggSubmit to FacebookSubmit to Google PlusSubmit to TwitterSubmit to LinkedIn