موللالاری آخماق سایماق سادۀ لیکدن دیر. ( ایکینجی بوُلوم )
- توضیحات
- منتشر شده در چهارشنبه, 21 خرداد 1393 13:10
تاریخین مختلیف دوُنملریندۀ حادیثۀ لر گوُروب تجروبۀ لرۀ صاحیب اوُلان آتا بابالاریمیز کوُتلۀ نین بئینین یوُزایللیک لرین یوُخوسوندان اوُیاندیرماق اوُچون باجاردیقلاری قئدر چئشیدلی عارفانۀ سوُزلر، مثللر، شعرلر یازیب ، ایبتیدائی وسیلۀ لرلۀ جامعۀ یۀ چاتدیر ماقا چالیشسالاردا ، آنجاق نۀ یازیق کی خرافاتین قالین زنجیرلرینین چئنبرۀ سیندۀ أسیر اوُلموش خالقیمیز اوُ بوُیوگ اینسانلاریمیزین دئدیکلری سوُزلرین معناسینا ؤ مفهومونا یئترینجۀ لازیم اوُلان دیققت اتمۀ دن ، بعضن تکجۀ بیر گوُلمئلی طنز کیمی اوُخویوب ، گوُلوُب ، سوُنرا دا اوُنودوب کئچمیشلر .
بوُیوک شاعیریمیز میرزۀ علی أکبر صابیر دئیر:
سئیر ائدیره م بئر بیابان لاری ؛
غوُل بیابان گُروُره م ، قوُرخمورام ؛
اوُز قوُیورام گاه نئیستان لارا ؛
بیرسوُرواصلان گوُروره م ، قورخمورام ؛
گاه چیخیرام ساحیلۀ ، هئر یاندا مین ؛
ؤحشی غرُران گوُروُره م ، قوُرخمورام ؛
جین گوُروره م ، جان گوُروره م ، قوُرخمورام ؛
لیک بو قوُرخمازلیقیملا دوُغروسو ؛
هاردا موُسلمان گوُروره م ، قوُرخورام ؛
سبب سیز قوُرخمورام ، وجهی وار :
نئیلۀ یم آخیر بو یوُخ اوُلموشلارین ؛
فیکرینی قان قان گوُروره م ، قورخورام ؛
أالبتۀ کی رحمتلیک صابیر قوُرخاق بیر اینسان دئییردی ، اوُنون جسارت لۀ دئدیگی سوُزلرین هدفیندۀ جهالت یوُخوسوندا اوُیموش ، شعورلاری باغلی قالمیش ؤ تکجۀ اوُز گوُندۀ لیک منفعت لرین دوُشونن ، بعضی آشیری های کوُیچو موسلمانلار ؤ دینی اوُز شخصی منافع لرین قوروماق اوُچون ألدۀ آلت اتمیش حیلۀ کار آلینلارین موُهورلۀ داغلییان شییاد موسلمان لارایدی . صابیرعوُمور بوُیوهمان یوُزاوُزلو موسلمانلارین جوُر بۀ جوُر دیل یاراسی ایلۀ موجادیلۀ ائدیب ، اوُنلارین نۀ کیمی ساختاکارلار اوُلدوقلارین اینتقادی شعر دیلی ایلۀ اینسانلارا تقدیم اتمیشدیر، صابیر ؤ باشقا عالیم اینسانلارین دئدیکلری سوُزلر حقیقت لردن قایناقلانان دئییرلی نصیحت لرایدی .
ألبتۀ کی زامان کئچدیکجۀ بوُیوکلریمیزین اینجی سوُزلری ؤ اوُیودلری گئت گئدۀ آردیجیل گئلن نئسیللرین شعوُروندا لایقلی یئرین آچیب ، اوُز موُثبت تأثیرلرین قوُیدوقجا جامعۀ دۀ یاشییان اینسانلارین تدریجن جهالت دن اوُزاقلاشمالارینا ؤ سئید ، موُللا ، شریعتمدارلارین فیریلداق لارینا ، آچیق گوُز ؤ شعورلا باخیب ، کئچمیشلردن فرقلی اوُلاراق دئیشمئگۀ باشلادی .
دوُنیادا علمین گئنیش اینکیشافی ، اینسانلارین اوُیانیشی نتیجۀ سیندۀ موهوماتین چوُرومۀ سین گوُره ن ، شریعتچی فیریلداقچی موُللالار هئر بیر یئنیلیگۀ « کافرلیک !» دئیب دامغا وُورورلار ! ( باخین میرزۀ علی موُجوز شبسترلی نین دیوانینا و میرزۀ علی اکبر صابیرین هوپ هوپ نامۀ کیتابیندا یازیلمیش شعرلرینۀ) .
کئچمیشدن اوُزاقلاشیب ، بوگوُن ایرمی بیر ینجی عصردۀ ایران دئیلن یئردۀ فارس موُللا راسیسمی نین ایسلام ناب محمدی آدلی رژیمینین یارادیقی جهالت لری ؤ قوُرخوُنج ، قانلی محیطی نظردۀ آلدیقدا، رحمتلیک صابیر ؤ باشقا آیدین اینسانلاریمیزین یوُزایل بوُندان قاباقدان دئدیکلری سوُزلر، اوُیودلر، شعرلر، بوُتوُنلوکلۀ اینسانلارین خرافات یوُخوسوندان بئیین لرین اوُیاندیرماق اوُچون اوُلموشدور.
میللت لراوُیاندیقجا ، دین جهالتی سارسیلیب چوُرومئکدۀ دیر.
بو اوُیانیش بیر تک ایران دئیلن یئردۀ یوُخ ، بئلکۀ ایسلامین آنا مرکزی اوُلان اوُرتا دوُغو عرب میللت لرین دۀ حئرکتۀ گئتیرمیشدیر . اوُرتا دوُغو جغرافی مکانلاریندا یاشییان میللت لرین بوُیوک چوُخوُنلوقون موسلمان میللت لرتشکیل وئریر.
خمئینی رژیمینین یارادیلماسی ایلۀ یاناشی ایمپریالیست قوُولراوُز ایقتیصادی ، سیاسی ، ژئوپلتیک موُقع لرین قوُروماق اوُچون جوُربۀ جوُر فوناتیک ایسلامچی ، ترورچو گروُپلار یارادیب ، اوُنلارین بیر چوُخو تهران رژیمی طرفیندن هم مالییۀ لئنیب و همدۀ سیلاح لاناراق قانلی ترورلار ؤ آغیر تخریبات لارا مشغول دورلار، حزب الله لبنان ، حماس ، جهاد ایسلامی ، طالبان ، ألقاعدۀ و باشقا ترورگرولارینین آنا مرکزی ؤ مالی قایناقین تهران موُللا لاری سخاوت لۀ تأمین ائدیرلر.
خمئینی نین تحریکلری ایلۀ باشلانان (ایران ـ عراق) ساواشین خمئینی باشلادی ، لاکین گوُجلو تبلیغات لارلا ( صدامین ) آدینا یازیلدی،خمئینی شیعۀ رژیمین موحکم لئندیرمئگ هدفی ایلۀ موحاربۀ نی اوُزادیقجا گئت گئدۀ عرب اوُلکۀ لری ایران شیعۀ رژیمی نین ترورچو ؤ تجاوزکار هدف لرین آنلادیقجا بعضی لرینین ایران رژیمینۀ قارشی باخیشلاری دئیشمئگۀ باشلادی ، هئرگوُن موسلمان میللت لر ؤ آردینجا دوُولت لرین اینتقادلاری ، موخالیفت لری چوُخالیب ، گوجلئنمئگۀ باشلادی ،عرب دوُولت لری نین یوموشاق موخالیفت لرینین بیر چوُخ سیاسی ، ایقتصادی سبب لری اوُلسادا ، آنجاق خمئینی رژیمی نین داخیلدۀ باشلادیغی گوُندۀ لیک جینایتلری ؤ گوُناهسیز اینسانلارین داواملی اوُلاراق کوُتلوی شئکیلدۀ اعدام اوُلمالاری ایلۀ یاناشی ، خاریج اوُلکۀ لردۀ ایسۀ داواملی ترورجینایت لری ؤ سوُء قصدلری دۀ داواملی اوُلاراق پلانلی شئکیدۀ جریان اتمئکدۀ ایدی ، تأسوفلو بوکی نۀ آمئریکا ؤ نۀ دۀ آوروپا دوُولت لری رژیمین آچیق آشکارجینایت لرینۀ هئلۀ دۀ گوُز یومورلار .
أصلیندۀ ایران دئیلن مخروبۀ دۀ موُللا رژیمینین 36 ایلۀ یاخین اوُزانان عوُمرونون ، داوام اتمۀسی نین سبب لریندن بیری دۀ بعضی خاریجی اوُلکۀ لر باشدا روسیۀ ، چین ، ؤ سایرۀ لرین گیزلی آشکارموُللا لارین آرخاسیندا اوُلوب ، حمایۀ لری اوُلسادا ، لاکین أصیل مسئلۀ یئنۀ دۀ دین آدلی أفیونون کوُتلۀ لرین بئیینلردۀ آشیلانماسی نین نتیجۀسی ایدی .
ایکینجی بوُلومون سوُنو ــ آذرخش ــ 10 / 6 / 2014
