موللا لاری آخماق سایماق سادۀ لیکدن دیر .( اوُچونجو بوُلوم ) - آذرخش
- توضیحات
- منتشر شده در یکشنبه, 25 خرداد 1393 19:54
بوُگونکو چاقدا اوُرتا دوُغو اوُلکۀ لریندۀ دیسپوت رژیملر اوُز قانلی حاکیمیت لرینۀ داوام وئرمئگ اوُچون ، بیلرئکدن دینی ألدۀ آلت اتمئکلۀ ، أن وحشی شیوۀ لردن ایستیفادۀ ائدیب ، اینسانلارآراسیندا وحشت ؤ هدۀ قوُرخو موحیطی یارادیب باجاردیق لاری قئدر بوُتون وسیلۀ لردن ایستیفادۀ ائدیب ، مسجیدلردۀ ؤ یا تلویزیون کاناللاریندا دین خرافاتین تبلیغ اتمئکلۀ اینسانلارین گوُزون ، شعوُرون ، چاغداش عینی(0bjekt) دوُشونجۀ لرین کوُر اتمئگۀ چالیشمیشلار!
بو گوُن دیکتاتوُررژیم لرین باشچیلاری بوُیوک مالی قایناقلارا ؤ آکتیو ایطلاعات اوُرگانلارینا سوُکئنرئک ، یوُزایللر بوُیونجا تبلیغ اتدیکلری ایچی بوُش خرافات ؤجهالتلر عصرین تکنولوُزوسو سایۀ سیندۀ آردی آردینا ایفشاء اوُلوب پوچا چیخماسی ؤ کوُتلۀ لرین اوُیانیشیندان وحشتۀ دوُشوب ، علمین یوُکسئلیشین اوُز مقاملارینا ؤ شخصی منافع لرینۀ دوُشمان بیلدیکلری حالدا ، لاکین اوُزلری أن سوُن تئکنولوژولاردان گئنیش مقیاسدا چئشیدلی زمینۀ لردۀ ایستیفادۀ ائدیرلر.
کئچمیش لردن اساسی شئکیلدۀ فرقلۀ نن اینسان شعوُرو ؤ بو گوُنکو حئیاتین گرچئکلری نین طلبی نئدنیلۀ ، داها اینسانلارین دوُلاشیق آیه لرۀ ، سوُرۀ لرۀ ، قوُندورما تفسیرلرۀ هئچ احتیاجی یوخدور.
قاچینیلماز حقیقت لردن بیری دۀ بو دورکی تکنولوُژو چاقی یوُزدۀ یوُز جهالتین ، خرافاتین ، موُللا حاکیمییتی نین اوُلوم چاقینین خبرچیسی دئمئکدیر. خصوصی ایلۀ بوُندان سوُنرا ایران دئیلن ایشغال ائدیلمیش اوُلکۀ دۀ گئنج نئسلی اوُزللیکلۀ اوُیانمیش فداکار موباریز قادینلاری ؤ قیزلاری ؤ اوُز طبیعی حاقلاریندان مدافعۀ ائدن اصلان کیمی قوُرخماز آنالارین اوُیانیشی نین قارشیسین آلماق ؤ اوُنلاری کوُلۀ لر سایماق داها مومکون دئئیر.
ائلۀ بونا گوُرۀ دۀ حقیقتلرلۀ قارشی قارشییا قالان متحجیر رژیم باشچیلاری گئنج نئسیلین اوُیانیشی نین قاریشسین آلماق اوُچون، قاچاقچی مافیا مأمورلاری جهد ائدیرلر جوُربۀ جور فسادلی واسیطۀ لردن ایستیفادۀ اتمئکلۀ ، بیرطرفدن اوُلکۀ نین چئشیدلی ثروت لرین غارت ائدیب ، منیمسۀ یب ، خاریج اوُلکۀ لرۀ قاچیریب ، باشقا طرفدن خالقی ؤ گئنج نئسلی سیاست دن اوُزاق ساخلاماق اوُچون اوُنلاری آج ، موحتاج ساخلاماقلا ، ایش یئرلرین باغلییب ، زحمتکش ایشچیلرۀ هئچ بیر حاقلارین وئرمۀ دن ایخراج ائدیب ، اوُنلاری آج ، موُحتاج حالا سالماقلا ، سوُنوندا قاچاقچیلیغا ، جینایتۀ ، اعتیادا ؤ هئرجوُرپیس ، اخلاقسیز ایشلرۀ عمللرۀ سوروکلۀ یرلر . لاکین موُللا لارین بوُتون بو شئیطانی تلاش لارینا رغمن ، اوُیانمیش میللتین گئنج نئسللری ، هئرگوُن داها آرتیق چاغداش سیاسی مفکوُرۀ یۀ دوُغرو گئتمئکدۀ دیرلر !؟
دیسپوت دینچی رژیم تلاش ائدیر، خرافاتین ؤ راسیسمین زنجیرلرین هئرگوُن داها آرتیق قالینلاشدیرسین ، اوُ حددۀ قئدرقالین کی کیمسۀ آوُنو سادۀ لیکلۀ قیریب تاریخین چوُپلوگۀ آتا بیلمۀ سین ! اوُلکۀ نین هئر طرفینۀ باخدیقدا ، شئهرلردن توُتموش ، اوجغار کئندلرۀ قئدرزحمتکش طبقۀ نین اوُشاغلاری اوُچون نۀ بیرتمیز ساغلام مدرسۀ وار ، نۀ دۀ بیردوُنیا استانداردلارینا اوُیغون اوُلان خستۀ خانا ، ایدمان مرکزی ، کیتاب خانا ؤ سایرۀ لرکیمی مکانلار ، لاکین رژیمین باشچیلاری ؤ أللری قانلی جوُربۀ جوُر موُللا ؤ یا مأمورلارینین عائلۀ لری ؤ اوُشاغلاری اوُچون أن مدرن مدرسۀ لر ، خستۀ خانالار ، یوُکسئک سویۀ دۀ درمان دوقتورلاری وار ! ألبتۀ کی بو مزدور جاسوسلار اوُچون ایسلام رژیمی « جنت » دیر!
رژیمین موندار قانلی عومرون اوُزادماق اوُچون داها آرتیق مانقورتلارا احتیاج وار ، هئرگوُن یئنی بیرجهالت مرکزلری ، جوُربۀ جور مسجیدلر، قوُندارما ؤ معناسی ، اصلی اوُلمییان ایمام زادۀ لرکشف ائدیب ، نادان لاری اوُردا توُپلایب کربلا موثیبتی تأترین بئینلرۀ آشیلاماقدان ، تکجۀ هدف رژیمۀ گئلیر منبع لری ؤ همدۀ خرافات مرکزلری اوُلان"زیارتگاه" لاری بیرگئجۀ دۀ تیکیب یارادیرلار. کئچمیش گوُنلردۀ سپاه پاسدارانین فرمانده لریندن بیری هئچ اوُتانیب حئیا اتمۀ دن 77000 یئنی مسجید لرین تیکیلمۀ سیندن خبر وئریر ! چوُنکی بئلۀ مسجیدلرین تیکیلمۀ سی موُللارین بوُیوُک گئلیر قایناغلاری اوُلدوقوحالدا ، همدۀ اوُز اوُمت لرینین بئین لرین داها آرتیق مانقورت لاشدیرماق اوُچون لازیم دیر. همدۀ مسجید ، زیارتگاهین ضرورتی اوُنلارین اوُشاغلاری اوُچون مدرسۀ دن ، خستۀ خانا دان ، ایدمان ائولریندن ؤ اینجۀ صنعت مرکزلریندن داها اوُنملی دیر .
همان مسجیدلردۀ توُپلاشان لار بیرسوُرو شییاد موُللا لار ، مداح لار ، اوُغرو، قاچاقچی پاسدار ؤ بئسیجی لردن باشقا کیم لر اوُلابیلر؟ قوندارما ایمامزادۀ لردۀ ، مسجیدلردۀ آجلیقا موحتاجلیقا سوُروکلئنیب کوتلۀ لری بوُش ـ بوُش روُضۀ خوانلیقلار ؤ آغلادیجی موعظۀ لر دئیب ، حدیث لر اوُخویوب ، سوُنوندا هفتۀ دۀ یا آیدا بیر دفعۀ آونلارا بیر وعدۀ یئمئک وئرمئکلۀ ، فیکیرلرین دئییشیب ، ظوُلمۀ قارشی اعتراض لاری نین قارشی سین آلماقا چالیشیرلار . بو آجی حقیقت لرۀ نئجۀ دوُزمئگ اوُلار؟!
لاکین اوُیانمیش کوُتلۀ گوُرورکی فوناتیک رژیم نۀ کیمی شئیطانی شیوۀ لرلۀ ایرادۀ سیز ؤچارۀ سیزاینسانلاری اوُمت موسلمان دئیۀ اوُنلارین ظولمۀ قارشی اعتراض لارینین قارشیسین آلماق ایستۀ یرلر ، اوُیانمیش خالقی بیر داها اوُیدورماق اوُلماز.
موللا لارشئیطانا درس وئرلر، اوُنلاری آخماق سایماق ! دوُزگون دئییر. بو حیلۀ کار ایبلیس لر آخماق ؤ سادۀ اوُلسئیدیلار 36 ایل چئشیدلی تاکتیکلرلۀ یالان لارلا میللتی آلدادیب قانلار توُکوب ، پوُل ، قوُدرت ، اوُردو صاحیبی اوُلا بیلمزدیلر.
ألبتۀ کی هئرزاماندا اوُلوقوکیمی ، توُکنمز طبیعی ثروت لرۀ صاحیب اوُلان اوُرتا دوُغو موسلمان اوُلکۀ لریندۀ ، اوُجولۀ دن ایران دئیلن مخروبۀ دۀ سوُمورگۀ چی ایمپریالیست دوُولت لر اوُزمنافع لرین قوُروماق اوُچون، وحشی ، تروریست ، عنصورلر یارادیب ، اوُنلاری گیزلی دۀ ، آشکاردا آرخالاریندا گیزلئنیب ، معیین تاکتیکلرلۀ اوُ منافع لری جهتیندۀ هدایت ائدیرلر.
اوُچونجو بوُلومون سوُنو . آذرخش ــ 14/ 6/ 2014
