: "دیلیم اوْلسون"- ماحموددالغا
- توضیحات
- منتشر شده در یکشنبه, 20 ارديبهشت 1394 03:05
نه ایسته‌دیم
غضب لرین قوْوزانیر؟
بۇلودلاری؟
گۆيلری؟
ياشیل ياپراق آغاجلاری؟
باغلاری.؟
آلوْولانمیش کؤنلومه من
بیر دامجی سۇ ایسته دیم.
تالان اوْلموش اؤلکه می،
يالان اوْلموش دیلیمی من،
ایسته دیم.
تانری وئره‌میش دوْداقلاریم
ياد دیلینه آچیلانمیر
دیلیم- دیلیم دۇرانسامدا
دیلیم دوْنمیر، دوْلانانمیر
سنی قانمیر.
نه ایسته دیم
غضب لرین قوْوزانیر.؟
بیر اوْووچ سۇ
بیر اوْووچ توْرپاق
منیم اوْلسون
دیلیم اوْلسون
ياد کۆلگه‌سینده ياشايیش
ایسته میرم
اؤلوم اولسون.
