“Azərbaycan türklərinin soykökü (antropoloji tədqiqatlar əsasında)” mövzusunda növbəti diskussiya keçirildi
- توضیحات
- منتشر شده در سه شنبه, 29 بهمن 1392 23:06
Bütöv Azərbaycan Ocaqlarının (BAO) Dil və Tarix Qurumunun təşəbbüsü ilə "Azərbaycan türklərinin soykökü (antropoloji tədqiqatlar əsasında)" mövzusunda növbəti diskussiya keçirildi. Tədbiri giriş sözü ilə BAO başqanı Zahir Əlisoy açdı. Sonra ənənəyə uyğun olaraq BAO MŞ-nın üzvü Araz Şamil Güney Azərbaycanın Qum ostanının coğrafi mövqeyi, etnik tərkibi, iqtisadiyyatı və s. haqqında geniş məlumat verdi.
Daha sonra BAO MŞ-nın üzvü Şirvani Ədilli Güney Azərbaycanda son həftə ərzində baş vermiş hadisələr haqqında məlumat verdi.
Sonra tarixçi alim Kərəm Buntürk "Azərbaycan türklərinin soykökü (antropoloji tədqiqatlar əsasında)" mövzusunda geniş məruzə ilə çıxış etdi. O, Azərbaycan ərazisində ən qədim dövrdən bu günədək antropoloji cəhətdən eyni insan tipinin yaşadığının tədqiqatlar nəticəsində sübut edildiyini qeyd etdi. Kərəm Buntürk bu faktın Azərbaycan türklərinin bu ərazilərə nə gəlmə, nə də qarışıq etnos olmadığının göstəricisi olduğunu bildirdi.
Daha sonra Paşa Oğuz, Firudin Ağasıoğlu, Bəxtiyar Tuncay, Dilavər Əzimli, Rüfət Muradlı, Aydın Mədətoğlu və b. məruzəçiyə verdikləri suallar və mövzu ətrafında irəli sürdükləri fikirlərlə diskussiiya davam etdirildi.
Sonda növbəti tədbirin bir həftə sonra - 22 fevral, 2014-cü ildə keçirilməsi qərara alındı.
VİDEOLAR:
http://www.youtube.com/watch?v=dU5ZiMrhZiE#t=28
http://www.youtube.com/watch?v=-5zUVIFut6o
http://www.youtube.com/watch?v=dU5ZiMrhZiE
BAO mətbuat xidməti
