Ana dili Nədir?- Eldar Güneyli
- توضیحات
- منتشر شده در یکشنبه, 04 اسفند 1392 21:57
1
Uşaq eşidər ilk ana dilində
Sonra öyrənər bu duyduğu dildə
Başlar danışmağa doğduğu dildə
Dili insan səslərdən yaradıbdır
Özünü heyvanlardan ayırıbdır.
2
Dil uşağın ana lay lay səsidir
Ana bətnindən duyduğu səsdir
Bətnidə yaranan düşüncəsidir
Düşüncəni kimsədən almaq olmaz
Başqa düşüncəyə döndərmək olmaz.
3
Uşaq ilk öncə içində düşünər
Sonra düşüncəsin səsə gətirər
Səslər formalaşıb dili yaradar
Dil insanın doğal düşüncəsidir
Düşüncəni duyduran şəkilidir.
4
Dil insanı yaşamda gəlişdirər
Heyvan səviyyəsindən enişdirər
İnsanlıq qabiliyyəti yaradar
Sonra qələmiylə yazıya geçər
Yazıya geçən dillər məktəbləşər.
5
Qələmsiz danışıq hayvana bənzər
Çünkü yalnız meşələrdə səslənər
Meşələrdən insan çoxdan çıxıbdır
Başqa insanlarla qonşu olubdur
Birlikdə bir yerdə toplum qurubdur.
6
Bütün insanların ana dili var
Onu danışmağa doğal haqqı var
Dili yazmağa qanuni haqqı var
Bir dili yasaqlamaq mümkün deyil
Ona qarşı çıxanlar insan deyil.
7
Bu gün İran adlanan məmləkətdə
Yaşayırlar neçə dilli millətlər
Hamısının özəl dilləri vardır
Hər kəsin öz dili özünə xoşdur
Çünkü öz dili ilə böyümüşdür.
8
Dil iki formada gəlişdirilər
Birincisi ağızda formalaşar
İkincisi yazıda formalaşar
Yazılmayan dillər indiki əsirdə
Məhv olub gedər iki üç nəsildə.
9
Ana dili xalqın gəncinəsidir
Formalaşması minlər il çəkmişdir
Əcdadlarımızdan qalmış irsidir
Qoruması xalqın vəzifəsidir
Yoxsa o xalqın məhv olmasıdır.
Eldar Güneyli
19.02.2014
