“Azərbaycanda genlərin məhv edilməsi” mövzusunda növbəti diskussiya keçirilildi
- توضیحات
- منتشر شده در یکشنبه, 17 فروردين 1393 22:05
05 aprel, 2014-cü il tarixində Bütöv Azərbaycan Ocaqlarının (BAO) Dil və Tarix Qurumunun təşəbbüsü ilə "Azərbaycanda genlərin məhv edilməsi" mövzusunda növbəti diskussiya keçirildi. Tədbiri giriş sözü ilə BAO başqanı Zahir Əlisoy açdı. O, ilk olaraq ötən ay səfər etdiyi Borçalı bölgəəsində Azərbaycan türklərinin qarşılaşdığı problemlərdən danışdı. Z.Əlisoy qeyd etdi ki, hazırda Borçalıda dərslərin milli proqram üzrə tədris olunduğu məktəblər demək olar ki, qalmayıb.
Sonra ənənəyə uyğun olaraq BAO Gənclər Təşkilatının sədri Zəka Sahib son həftə ərzində Güney Azərbaycanda baş vermiş hadisələr haqqında məlumat verdi.
Daha sonra tanınmış politoloq Rövşən Novruzoğlu "Azərbaycanda genlərin məhv edilməsi" mövzusunda geniş məruzə ilə çıxış etdi. O, xarici xidmət orqanlarının Azərbaycanda insanların geninə müxtəlif yollarla təsir etməklə onları zehni və fiziki cəhətdən zəiflətməyə çalışdıqlarını qeyd etdi və bu problemlə bağlı xeyli arxiv materialları topladığını dedi.
Daha sonra Firudin Ağasıoğlu, Natiq Ulubəy, Paşa Oğuz, Dilavər Əzimli, Mirzə Ənsərli, Aydın Mədətoğlu, Bəxtiyar Tuncay,və b. məruzəçiyə verdikləri suallar və mövzu ətrafında irəli sürdükləri fikirlərlə diskussiiyanı davam etdirdilər
BAO İnformasiya Xədməti
05.04.2014
