Xamneyinin nümayəndəsi Əliyevin qarşısında şərt qoydu
- توضیحات
- منتشر شده در یکشنبه, 24 فروردين 1393 20:13
hesen-ameli Həsən Amili: “İranla Azərbaycan arasında münasibət o vaxt faydalı olacaq ki…”
İranın ali dini lideri Ayətullah Xamneyinin nümayəndəsi və Ərdəbilin imam cüməsi Həsən Amili iki qonşu ölkə arasında münasibətlərə dair açıqlama verib.
“İlham Əliyevin İrana səfəri o zaman faydalı olacaq ki, Azərbaycan Respublikası hökuməti ciddi şəkildə İsraildən uzaqlaşsın, İranofobiya və dinofobiyanı kənara qoysun, xüsusilə də sırf dini dəyərlərin müdafiəsinə görə həbs olunmuş böyük insanları azad etsin”, – deyə o, bildirib. Həsən Amilinin fikirlərini “Şəbestan” informasiya agentliyi yayıb. Agentliyin məlumatına görə, Həsən Amili ümid edir ki, Əliyevin Tehrana səfəri iki ölkə münasibətlərində dönüş nöqtəsi olacaq. "Bu məsələ Azərbaycan hökumətinin iradəsinə bağlıdır və İran tərəfindən heç bir problem yoxdur" – deyə o, əlavə edib.
