“Azərbaycanın milli sərvəti - Qarabağ atları” mövzusunda növbəti diskussiya keçirildi
- توضیحات
- منتشر شده در یکشنبه, 13 بهمن 1392 19:24
1 fevral, 2014-cü il tarixində Bütöv Azərbaycan Ocaqlarının (BAO) Dil və Tarix Qurumunun təşəbbüsü ilə "Azərbaycanın milli sərvəti - Qarabağ atları" mövzusunda növbəti diskussiya keçirildi. Tədbiri giriş sözü ilə BAO başqanı Zahir Əlisoy açdı. Sonra ənənəyə uyğun olaraq BAO MŞ-nın üzvü Araz Şamil
Güney Azərbaycanın Qəzvin ostanının coğrafi mövqeyi, inzibati ərazi quruluşu, əhalisi, iqtisadiyyatı və s. haqqında məlumat verdi. Daha sonra BAO MŞ-nın üzvü Zəka Sahib Güney Azərbaycanda son həftə ərzində baş vermiş hadisələr haqqında geniş məlumat verdi.
Sonra Tədqiqatçı Paşa Oğuz “"Azərbaycanın milli sərvəti - Qarabağ atları"” mövzusunda geniş məruzə ilə çıxış etdi. O, öncə atçılıq mədəniyyətinin tarixindən danışaraq qeyd etdi ki, atın minik kimi istifadə edilməsi miladdan öncə IV minillikdə baş vermişdir. O, həmçinin atçılığın ən qədim məskənlərinin məhz Azərbaycanla bağlı olduğunun tarixi dəlillərlə göstərdi.
Daha sonra Firudin Ağasıoğlu, Şirvani Ədilli, Dilavər Əzimli, Zahir Əlisoy və b. məruzəçiyə verdikləri suallar və mövzu ətrafında irəli sürdükləri fikirlərlə diskussiiya davam etdirildi.
Sonda növbəti tədbirin bir həftə sonra - 8 fevral, 2014-cü ildə, "Türkmənçay" müqaviləsi ilə bağlı mövzuda keçirilməsi qərara alındı.
BAO İnformasiya Xədməti
